Pryznačany novy načalnik DAI
abnoŭlena
Novym kiraŭnikom DAI Biełarusi staŭ 45-hadovy Dźmitryj Karziuk. Aficyjna jaho pasada nazyvajecca jak «načalnik ŭpraŭleńnia Dziaržaŭnaj aŭtamabilnaj inśpiekcyi MUS».
Pra los raniejšaha kiraŭnika, Juryja Litvina, nie paviedamlajecca.
mvd.gov.by
Pradstaŭlajučy Karziuka, ministr unutranych spraŭ Ihar Šunievič «pažadaŭ pryznačanamu načalniku i ŭsim supracoŭnikam umacoŭvać i pamnažać tradycyi, jakija zachavalisia ŭ hetym kalektyvie, damahacca pavyšeńnia vynikaŭ u vyrašeńni składanaha kompleksu prablem zabieśpiačeńnia biaśpieki, paradku i dyscypliny na vulicach i darohach krainy, ŭkaraniać novyja formy i mietady ŭzajemadziejańnia z hramadzianami ŭ spravie prafiłaktyki darožna-transpartnaha traŭmatyzmu», havorycca ŭ paviedamleńni MUS.
* * *
Dźmitryj Karziuk naradziŭsia ŭ 1971 hodzie ŭ Minsku. Skončyŭ Smalenski aŭtatranspartny koledž (1996) i Akademiju MUS (2001).
U vieraśni 1993 hoda byŭ pryniaty na słužbu inśpiektaram darožna-patrulnaj słužby 3-ha mataryzavanaha ŭzvoda asobnaha bataljona DPS DAI UUS Minharvykankama. Słužyŭ kamandziram uzvoda, kamandziram asobnaj roty DPS, načalnikam adździeła DPS i prafiłaktyki UDAI HUUS Minharvykankama. Sa studzienia 2008 hoda ŭznačalvaŭ DAI Minska.