U Rasii čynoŭnikam i vajskoŭcam mohuć zabaranić karystacca Gmail, Skype, WhatsApp
Minekanomiki Rasii prapanuje zabaranić čynoŭnikam i vajskoŭcam vieści rabočuju pierapisku praz mabilnyja prykładańni zamiežnych raspracoŭščykaŭ. Abmiežavańni mohuć zakranuć elektronnuju poštu Gmail ad Google i papularnyja miesiendžary WhatsApp, Viber, Skype i Telegram.
Fota Dźmitryja Azarava, kommersant.ru
Svaje idei ministerstva ŭžo nakiravała prezidentu Uładzimiru Pucinu. Havorka moža iści pra straty tolki miesiendžarami aŭdytoryi, jakaja pieravyšaje 2,5 młn čałaviek. Pa mienšaj miery častku ź ich padchopić budučy dziaržaŭny anałah, raspracoŭkaj jakoha prapanavana zaniacca Mail.ru i Instytut raźvićcia internetu.
Minekanomiki ŭniesła dakład z prapanovami pa pryjarytecie zakupak rasijskaha prahramnaha zabieśpiačeńnia i abstalavańnia prezidentu Uładzimiru Pucinu 26 maja. Siarod prapanavanych ministerstvam mier — ustalavańnie zakanadaŭčaj zabarony na vykarystańnie vajskoŭcami i dziaržaŭnymi hramadzianskimi słužboŭcami dla pieradačy elektronnych paviedamleńniaŭ u słužbovych metach zamiežnaha PA, u tym liku mabilnych prykładańniaŭ na smartfonach.
Takim čynam, čynoŭnikam i vajennym mohuć zabaranić vieści rabočuju pierapisku z paštovych skryń na Gmail.com i ŭ papularnych miesiendžarach WhatsApp, Viber, Telegram.
Pradstaŭnik Minekanomiki Alena Łaškina paćvierdziła «Kommiersantu», što dla słužbovych metaŭ płanujecca vykarystańnie tolki rasijskich miesiendžaraŭ, dadzienaja pazicyja ŭzhodnienaja ź Minkamsuviazi, Minpramhandlu i Instytutam raźvićcia internetu.