Vice-prezident Suśvietnaha banka naviedaje Biełaruś 1—2 červienia
Vice-prezident Suśvietnaha banka Sirył Miuler naviedaje Biełaruś 1—2 červienia, paviedamiła śpiecyjalist pa suviaziach z hramadskaściu pradstaŭnictva Suśvietnaha banka ŭ Biełarusi Iryna Alejnik.
Čakajecca šerah sustreč vice-prezidenta banka z kiraŭnictvam krainy, u tym liku z Alaksandram Łukašenkam, premjer-ministram Andrejem Kabiakovym i staršynioj Savieta Respubliki Michaiłam Miaśnikovičam.
Padrychtoŭka vizitu abmiarkoŭvałasia na sustrečy namieśnika premjer-ministra Anatola Kalinina z kiraŭnikom pradstaŭnictva Suśvietnaha banka ŭ Biełarusi Jan Čuł Kimam ŭ krasaviku. Jak paviedamlała pres-słužba biełaruskaha ŭrada, vizit rychtavaŭsia «ŭ metach pryniaćcia kiraŭnictvam banka stanoŭčaha rašeńnia ab finansavańni pierśpiektyŭnych prajektaŭ». Paviedamlałasia, što bankam ŭchvalenyja prapanavanyja biełaruskim bokam kancepcyi prajektaŭ u śfierach achovy zdaroŭja i handlu i raspačataja «techničnaja praca pa padrychtoŭcy adpaviednych pahadnieńniaŭ».
Jan Čuł Kim raniej zajaŭlaŭ, što inviestycyjny partfiel dziejnych prajektaŭ Suśvietnaha banka dla Biełarusi ŭ 2017 hodzie moža vyraści da 1,2 młrd dalaraŭ.