Vykładčyk BNTU znojdzieny paviešanym u aŭdytoryi
dapoŭniena
Saviecki rajonny adździeł Śledčaha kamiteta pravodzić daśledčuju pravierku pa fakcie hibieli vykładčyka Biełaruskaha nacyjanalnaha techničnaha univiersiteta.
Jak paviedamili ŭ SK Biełarusi, cieła vykładčyka 1949 hoda naradžeńnia ŭ piatli było znojdziena jaho kalehami siońnia kala 17 hadzin u aŭdytoryi.
Śledčyja pravodziać ahlad miesca zdareńnia.
Pavodle infarmacyi «Našaj Nivy», trahiedyja zdaryłasia z namieśnikam dekana aŭtatraktarnaha fakulteta, jaki vykładaŭ pradmiety «techničnaja ekspłuatacyja aŭtamabilej» i «ramont aŭtatranspartu».
«Heta byŭ moj dobry siabar i tavaryš, vielmi dobry čałaviek. Prablem na pracy ŭ jaho nie było anijakich — heta ŭsio, što ja mahu skazać, prabačcie», — paviedamiŭ Alaksandr Kazacki, vykładčyk aŭtatraktarnaha fakulteta BNTU.