U Hrodnie piensijanier zabiŭ žonku, a paśla pamior ad insulta
28 maja ŭ dvary pryvatnaha doma ŭ Hrodnie svajaki znajšli 75-hadovaha haspadara žylla, jaki lažaŭ na ziamli, a taksama jahonuju miortvuju 63-hadovuju žonku.
Mužčynu z dyjahnazam «krovaźlićcio mozhu» špitalizavali ŭ adnu z balnicu, dzie praz try dni pamior.
Padčas ahladu miesca zdareńnia śledčyja i ekśpierty vyjavili na ciele žančyny ślady hvałtoŭnaj śmierci i mierkavanuju pryładu ździajśnieńnia złačynstva — małatok. Pry hetym śladoŭ prysutnaści inšych asob u domie nie miełasia, majomaść nie prapała.
Była sfarmulavanaja viersija zabojstva, zasnavanaja na sabranych dokazach. Jano adbyłosia 28 maja na hlebie kanfliktu pamiž stałymi mužam i žonkaj. Padčas svarki piensijanier niekalki razoŭ udaryŭ žonku małatkom pa hałavie. Ad atrymanych traŭmaŭ žančyna pamierła na miescy. Paśla hetaha ŭ padazravanaha adbyŭsia insult, jaki zaviaršyŭsia śmiarotnym zychodam. Praciahvajecca vyśviatleńnie ŭsich abstavinaŭ zdareńnia.