Pad Pinskam kiroŭca, jakoha štrafavali 114 razoŭ, zasnuŭ za rulom i ŭrezaŭsia ŭ traktar
U Pinskim rajonie 7 červienia pryblizna ŭ 13.45 na 54-m km aŭtadarohi R6 Ivacevičy — Pinsk — Stolin aŭtamabil «Fijat-Dukata» sutyknuŭsia ź idučym napieradzie ŭ tym ža kirunku traktaram «K-701».
Pavodle papiaredniaj infarmacyi, 32-hadovy minčuk, jaki kiravaŭ mikraaŭtobusam, zasnuŭ za rulom, paviedamili ŭ adździaleńni pa ahitacyi i prapahandzie DAI UUS Bresckaha abłvykankama.
Aŭtamabilist ź pierałomami i ŭdarami dastaŭleny ŭ reanimacyju Pinskaj centralnaj balnicy.
«K-701» naležyć adnamu ź sielhaspradpryjemstvaŭ rehijonu. Traktaryst, jaki znachodziŭsia za jaho rulom, nie paciarpieŭ.
Pa fakcie DTZ pravodzicca pravierka. Vyjaŭlena, što kiroŭca «Fijata» 114 razoŭ pryciahvaŭsia da administracyjnaj adkaznaści za roznyja parušeńni praviłaŭ darožnaha ruchu.