Pryčynaj pažaru ŭ centry dla mihrantaŭ u Hiermanii stała sprečka z-za ježy
Niamieckija śledčyja padazrajuć, što pažar u centry raźmiaščeńnia biežancaŭ u Dziusieldorfie adbyŭsia praz sprečki mihrantaŭ z-za ježy padčas Ramadana.
Pavodle dadzienych śledstva, hrupa mihrantaŭ, jakaja nie prytrymlivajecca postu ŭ śviaty dla musulman miesiac, paskardziłasia na zanadta maleńkija porcyi.
Pa padazreńni ŭ arhanizacyi padpału byli aryštavanyja vosiem čałaviek, dvoje ź ich zaklučanyja pad vartu.
7 maja połymia achapiła kanfierenc-zału bujnoha kanhres-centra ŭ Dziusieldorfie, jaki vykarystoŭvaŭsia jak časovy centr dla raźmiaščeńnia biežancaŭ. Miascovyja ŭłady aceńvajuć pryčynienuju pažaram škodu ŭ $11 młn.