U Niderłandach padčas repietycyi avijašoŭ sutyknulisia dva źniščalniki
U Niderłandach padčas repietycyi avijašoŭ raźbiŭsia šviejcarski źniščalnik F-5E. Heta adbyłosia ŭ vyniku sutyknieńnia ź inšym samalotam, paviedamlaje Reuters.
Piłotu ŭdałosia katapultavacca. Pa słovach pradstaŭnika ekstrannych słužbaŭ, jon nie mocna paciarpieŭ u vyniku incydentu. Independent paviedamlaje, što jon byŭ špitalizavany.
Z-za čaho adbyłosia sutyknieńnie, pakul nieviadoma. Jak piša Independent, druhi źniščalnik paśpiachova pryziamliŭsia.
Avijašoŭ Luchtmachtdagen adbudziecca 10-11 červienia ŭ Leŭvardenie.