Na «Biełaruśkalii» abvaliłasia mietaličnaja kanstrukcyja i zabiła 27-hadovaha rabočaha
Salihorski rajonny adździeł Śledčaha kamiteta pravodzić daśledčaj pravierki pa fakcie hibieli 27-hadovaha rabočaha, paviedamiła aficyjny pradstaŭnik USK pa Minskaj vobłaści Taćciana Biełanoh.
«Trahičny vypadak adbyŭsia dniom 9 červienia na adnoj z pramysłovych placovak 2-ha rudaŭpraŭleńnia AAT «Biełaruśkalij», — patłumačyła pradstaŭnik USK.
Pry vykanańni budaŭničych rabot pa mantažy mietaličnaj kanstrukcyi adbyłosia jaje padzieńnie. Byŭ śmiarotna traŭmavany rabočy budarhanizacyi, jakaja absłuhoŭvaje hety ŭčastak.
Zaraz viaducca apytańni rabotnikaŭ i słužbovych asob, vyvučajecca kanfiskavanaja techničnaja dakumientacyja, pryznačany ekśpiertyzy. «Asablivaja ŭvaha nadajecca vyvučeńniu pryčyn i ŭmoŭ, jakija sadziejničali tamu, što adbyłosia», padkreśliła Taćciana Biełanoh.