Prezientacyja knihi «Płan Babarozy» ŭ Vilni — 16 červienia
Zaprašajem vas na prezientacyju novaj knihi Paŭła Kaściukieviča «Płan Babarozy».
Krychu varjackaja, biazhłuzdaja, ale takaja rodnaja Biełaruś stanovicca miescam i ducham razhortvańnia padziej žyćcia adnoj staličnaj siamji.
Sami ž hałoŭnyja hieroi iranična i mietafaryčna pieradajuć admietny vobraz svajoj krainy ŭ XX stahodździ. Składanyja znosiny pakaleńniaŭ, časoŭ i losaŭ – heta «chroniki biełaruskaj matryjarchii», pierakazanyja ŭ lohkaj i zajmalnaj maniery ŭ knizie «Płan Babarozy».
Na sustrečy 16 červienia sam aŭtar Pavał Kaściukievič raspaviadzie pra toje, jak stvarałasia kniha i što ŭ vyniku atrymałasia.
Na prezientacyju taksama zavitaje admysłovy hość Vitas Dešknis – litoŭski paet, jaki zajmajecca pierakładam tvoraŭ biełaruskaj litaratury.
Šmat litaraturnych adkryćciaŭ čakaje vas 16 červienia a 15.00 u aŭdytoryi 108 Jeŭrapiejskaha humanitarnaha ŭniviersiteta ŭ Vilni.