Nacbank źnižaje staŭku refinansavańnia da 20%
Z 1 lipienia ŭ Biełarusi staŭka refinansavańnia źnižajecca da 20% suprać raniejšych 22%, paviedamlaje pres-słužba Nacbanka sa spasyłkaj na rašeńnie praŭleńnia i Kamiteta pa manietarnaj palitycy Nacbanka.
Papiaredniaje źnižeńnie, taksama na 2 pracentnyja punkty, adbyłosia 1 maja.
Staŭki pa pastajanna dastupnych i dvuchbakovych apieracyjach padtrymki biahučaj likvidnaści bankaŭ źnižajucca z 27% da 25%, staŭki pa pastajanna dastupnych apieracyjach vyklučeńnia likvidnaści bankaŭ — z 15 da 13% hadavych.
Akramia taho, z 1 žniŭnia źmianšajecca hraničny ŭzrovień pracentnych stavak pa novych terminovych bankaŭskich układach fizičnych asob u nacyjanalnaj valucie, u vypadku pieravyšeńnia jakoha praduhledžvajecca pavieličeńnie reziervovych patrabavańniaŭ, - z 1,0 da 0,9 staŭki pa pastajanna dastupnych apieracyjach Nacbanka ŭ formie kredytu aviernajt.
«Pryniaćciu dadzienych rašeńniaŭ spryjała, pierš za ŭsio, zapavoleńnie inflacyjnych pracesaŭ», - adznačajuć u NBB.
Pavodle źviestak Biełstata, pryrost spažyvieckich cen u mai źniziŭsia da 0,5% da krasavika 2016 h. i da 12,4% - pa adnosinach da maja