«Biellehpram» płanuje adkryć aŭtlet
«Biellehpram» płanuje adkryć kramu farmatu aŭtlet, paviedamiŭ 10 červienia na pres-kanfierencyi ŭ Minsku staršynia kancerna Mikałaj Jafimčyk.
«Dla tych, u kaho niama hrošaj na raźvićcio tavarapravodnych sietak, u kancerna jość dobraja ideja pa stvareńni kramaŭ farmatu aŭtlet, — skazaŭ jon. — U Minsku vielmi šmat vyzvalajecca handlovych placovak u suviazi z pavyšeńniem arendnaj płaty i paharšeńniem situacyi na spažyvieckim rynku. My płanujem, i ja daŭ daručeńni pahladzieć kramu, jakaja siońnia źjaŭlajecca łahistyčnym centram na vyjeździe ź Minska ŭ bok Bresta pa praśpiekcie Dziaržynskaha. Tam užo jość «Karona» i «Pinskdreŭ». Našy śpiecyjalisty pajeduć pahladzieć, i, kali my znojdziem ahulnuju movu, što tam zrabić, było b niadrenna zrabić aŭtlet dla cełaj sieryi našych pradpryjemstvaŭ: i šviejnych, i trykatažnych. Budziem pradavać pa cenach zavoda-vytvorcy i z surjoznymi źnižkami tavary lohkaj pramysłovaści. Kali my źbiaromsia ŭ hrupu, budzie lahčej. My vyrašym hetaje pytańnie maksimalna chutka, kali znojdziem ahulnuju movu».