Alimpijskaja čempijonka 2000 hoda Janina Karolčyk-Pravalinskaja jedzie na Hulni-2016 u Rya
39-hadovaja biełaruskaja šturchalnica jadra Janina Pravalinskaja-Karolčyk vykanała alimpijski narmatyŭ dla vystupleńnia na Hulniach u Rya-de-Žaniejra, paviedamiła pres-słužba Biełaruskaj fiederacyi lohkaj atletyki.
10 červienia ŭ Minsku adbyŭsia turnir «Pryzy Michasia Žałaboŭskaha», padčas jakoha alimpijskaja čempijonka 2000 hoda pakazała vynik 18 m 52 sm.
Alimpijada stanie dla Pravalinskaj-Karolčyk čaćviortaj u karjery. U 2008 i 2012 hadach jana zajmała 18-je miesca, a ŭ 2004-m prapuściła Alimpijskija hulni z-za dopinhavaj dyskvalifikacyi. U 2001 hodzie spartsmienka stała čempijonkaj śvietu.
Alimpijskija hulni — 2016 projduć u Rya-de-Žaniejra (Brazilija) z 5 pa 21 žniŭnia.