UEFA papiaredziła Rasiju i Anhliju ab mahčymaści dyskvalifikacyi
Sajuz jeŭrapiejskich futbolnych asacyjacyj (UEFA) zajaviŭ, što zbornyja Rasii i Anhlii mohuć być dyskvalifikavanyja i nie zmohuć bolš udzielničać u Jeŭra-2016, kali fanaty hetych kamandaŭ i dalej buduć udzielničać u biesparadkach.
AFP
U zajavie UEFA havorycca, što sajuz «nie vyklučaje ŭviadzieńnie dadatkovych sankcyj u dačynieńni da Asacyjacyi futboła Anhlii i Rasijskaha futbolnaha sajuza (RFS) až da dyskvalifikacyi kamandaŭ z turniru ŭ vypadku, kali taki hvałt paŭtorycca».
Raniej stała viadoma, što UEFA adkryła dyscyplinarnaje słuchańnie ŭ dačynieńni da Rasijskaha futbolnaha sajuza (RFS) pa vynikach matču čempijanatu Jeŭropy Rasija — Anhlija.
Zaŭziataram zbornaj Rasii staviacca ŭ vinu biesparadki, rasisckija pavodziny i vykarystańnie piratechniki, paviedamlajecca na aficyjnym sajcie UEFA.
Rasijski ministr sportu Vital Mutko adznačyŭ, što trybuny anhlijskich i rasijskich zaŭziataraŭ nie byli padzielenyja śpiecyjalnaj bufiernaj zonaj.