Francuzskija ŭłady departujuć jašče čatyroch rasijskich zaŭziataraŭ
Dvoje rasijskich zaŭziataraŭ, zatrymanych paśla bojki z anhličanami ŭ Lili, i jašče dvoje, u mašynie jakich, jak paviedamlajecca, znajšli zbroju, buduć vysłanyja z Francyi.
Pieršyja dvoje rasijan byli zatrymanyja paśla bojki z anhlijskimi zaŭziatarami, jakich jany sustreli ŭ adnym z baraŭ horada. Dvoje rasijskich fanataŭ prachodzili mima kaviarni, dzie siadzieli prykładna 70 anhlijskich zaŭziataraŭ. Fanaty abiedźviuch kamand pačali abražać adzin adnaho, a zatym kidacca kresłami.
Jak vynikaje z zajavy haradskich uładaŭ, druhija dvoje byli aryštavanyja, «paśla taho jak ich znajšli pjanymi ŭ aŭtamabili sa zbrojaj», adnak krynica ahienctva Rejter u palicyi kaža, što znojdzienaj u fanataŭ zbrojaj byli draŭlanyja pałki.
Nahadajem, u aŭtorak ŭłady Francyi abviaścili ab rašeńni departavać šaściarych rasijskich fanataŭ.