Biełaruskija deputaty źmianiajuć zakanadaŭstva pad «Ubier»
Suśvietna viadomamu servisu pa pieravozcy pasažyraŭ Uber daviadziecca zarehistravać jurydyčnuju asobu ŭ Biełarusi, što praduhledžana papraŭkami ŭ zakon ab aŭtamabilnym transparcie i aŭtamabilnych pieravozkach, paviedamiŭ siońnia žurnalistam namieśnik staršyni Pastajannaj kamisii Pałaty pradstaŭnikoŭ pa pramysłovaści, paliŭna-enierhietyčnym kompleksie, transparcie i suviazi Leanid Mažejka.
Papraŭki razhladajucca siońnia ŭ Pałacie pradstaŭnikoŭ u pieršym čytańni. «Jość takaja arhanizacyja Uber, jakaja na siońnia znachodzicca za miažoj. Zakonam praduhledžana, što hetaj dziejnaściu (pieravozkami pasažyraŭ na taksi) možna zajmacca ŭ Respublicy Biełaruś, ale tolki pry adnoj umovie: kali pieravozčyk jurydyčna zarehistravany ŭ Biełarusi. Kali jon nie zarehistravany tut jurydyčna, značyć chtości (inšy) budzie adkazvać za biaśpieku pasažyraŭ», — rastłumačyŭ deputat.
Parłamientaryj dadaŭ, što dakumient dakładna raźmiažoŭvaje rehularnyja aŭtamabilnyja pieravozki i nierehularnyja. Urehulavanyja i pałažeńni ab tym, jakija asnoŭnyja dakumienty pavinny być pry supravadžeńni hruzu.