U Minsku płanujuć ukaranić rezidentny dazvoł na parkoŭku ŭ dvarach
U Minsku prapracoŭvajuć pytańnie afarmleńnia rezidentnych dazvołaŭ na parkoŭku ŭ dvarach žyłych damoŭ. Ab hetym paviedamiŭ žurnalistam namieśnik hałoŭnaha inžyniera ŭnitarnaha pradpryjemstva «Haražy, aŭtastajanki i parkoŭki» Alaksandr Lištvan.
«Rezidentny dazvoł dziejničaje ŭ dvarach, jakija nie abstalavanyja začynialnymi ŭstrojstvami. Aformić jaho možna za simvaličnuju płatu žylcam doma. Heta daść mahčymaść im parkavacca kala doma na praciahu hoda biaspłatna. Numarnyja znaki aŭtamabilaŭ, jakija atrymali dazvoł, uniasuć u śpiecyjalnuju bazu, dziakujučy čamu kantralory zmohuć «bačyć» tych, chto zaniaŭ svajo miesca», — skazaŭ Alaksandr Lištvan.
Aŭtaamataram, jakija źbiehli z płatnaj stajanki ŭ susiednija dvary, buduć vypisvacca štrafy. Piłotny prajekt pa ŭkaranieńni takoj sistemy parkoŭki ŭ dvarach płanujecca realizavać da kanca biahučaha hoda ŭ adnym ź nievialikich mikrarajonaŭ Minska.