Błohieru Eduardu Palčysu (Džonu Silvieru) vystaŭlena abvinavačvańnie
Stvaralniku sajta www.1863x.com błohieru Eduardu Palčysu, viadomamu jak Džon Silvier, pradjaŭlena abvinavačvańnie, paviedamiŭ žurnalistam 22 červienia ŭ Minsku kiraŭnik Śledčaha kamiteta Biełarusi Ivan Naskievič.
Pavodle jaho słoŭ, abvinavačańnie było vystaŭlenaje na minułym tydni. Błohier abvinavačvajecca ŭ raspalvańni varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści (č. 1 art. 130 KK), a taksama ŭ vyrabie i raspaŭsiudžvańni parnahrafičnych materyjałaŭ abo pradmietaŭ parnahrafičnaha charaktaru (art. 343 KK).
«Pa spravie ŭsio jasna. Samo rasśledavańnie nie zaciahniecca», — skazaŭ Naskievič. Jon dadaŭ, što ŭ chutkim časie jaje mohuć pieradać u sud.
Na pytańnie BiełaPAN, ci pryznaŭ Palčys svaju vinu, kiraŭnik SK adkazaŭ, što pakul nie budzie davać acenku dziejańniam abvinavačanaha.