Taćciana Tałstaja pra Aleksijevič: Jak budzie pi…c pa-biełarusku?
Rasijskaja piśmieńnica i televiadučaja Taćciana Tałstaja žorstka raskrytykavała ŭ svaim fejsbuku łaŭreatku Nobieleŭskaj premii — 2015 u halinie litaratury Śviatłanu Aleksijevič.
Abureńnie Tałstoj vyklikała niadaŭniaje intervju biełaruskaj piśmieńnicy dla vydańnia discours.io. Aleksijevič adznačyła: «Učora ja išła pa Bradviei — i tam bačna, što kožny — asoba. A idzieš pa Minsku, Maskvie — ty bačyš, što idzie narodnaje cieła. Ahulnaje. Tak, jany pieraapranulisia ŭ inšuju vopratku, jany jeździać na novych mašynach, ale tolki jany pačuli bajavy klič ad Pucina «Vialikaja Rasija», — i znoŭ heta narodnaje cieła… Tamu mnie chaciełasia pakazać usiu, jak kazała Ćviatajeva, kvitniejučuju składanaść našaha žyćcia».
Na heta Taćciana Tałstaja adznačaje: «Chto-niebudź, raskažycie joj, chto prydumaŭ vyraz «kvitniejučaja składanaść» i što jon aznačaje. Tak, i pa Maskvie ci Minsku pieššu nie chadzicie, tam niejkaje ahulnaje cieła chodzić. Abo ŭ mašynach jeździć. A «pi…c» pa-biełarusku taksama «pi…c» budzie?»
U kamientarach da pasta Tałstaja jašče bolej raźvivaje hetuju temu. «Aleksijevič – heta pieraapranuty Valancin Zoryn, žurnalist-prapahandyst», — adznačaje rasijskaja piśmieńnica.
«Jana, kaniečnie, majstar vyvarvańnia ha…a ź luboha materyjału», — nie skupicca ŭ vyrazach spadarynia Tałstaja.
Niekatoryja kamientatary adznačajuć, maŭlaŭ, vyhladaje, što Tałstaja prosta zajzdrościć Nobieleŭskaj premii Aleksijevič. «U vas vielmi niebahaty nabor adčuvańniaŭ», — adkazvaje na heta aŭtarka dopisu.
Adrazu paśla atrymańnia Aleksijevič Nobiela Taćciana Tałstaja ŭžo krytykavała hetaje rašeńnie.
«Hetym rašeńniem Nobieleŭski kamitet skazaŭ, što syry mahnitafonny zapis, małaapracavanyja, niepryciahalnyja teksty ciapier ceniacca. Prostaja reč, cisk na śloznuju załozu, apoviad pra rečy važnyja, ale syryja, u reparciorskim vyhladzie — heta bolš aktualna i sučasna. Nobieleŭski kamitet vyrašyŭ heta ŭznaharodzić. Heta charaktaryzuje kulturny ŭzrovień samoha Nobieleŭskaha kamiteta», — kazała jana pa śviežych śladach.
Jak bačym, rasijskuju litaratarku hetaja tema nijak nie adpuskaje.
Taćciana Tałstaja naradziłasia ŭ 1951 u Leninhradzie. Najbolš jaje viadomy raman «Kyś». Adna ź viadučych papularnaj pieradačy «Škoła złasłoŭja».