Jeŭrasajuz zaklikaŭ Brytaniju nie zaciahvać praces vychadu ź ES
Kiraŭnictva Jeŭrasajuza zaklikała ŭłady Brytanii nie zaciahvać praces vychadu sa składu ES paśla taho, jak bolšaść brytancaŭ padtrymali «breksit».
«Padčas svabodnaha ŭnutranaha hałasavańnia brytanskija hramadzianie vykazali svajo žadańnie pakinuć Jeŭrapiejski sajuz. My škadujem pra takoje rašeńnie, ale pavažajem jaho», — havorycca ŭ sumiesnaj zajavie kiraŭnika Jeŭrarady Donalda Tuska, prezidenta Jeŭraparłamienta Marcina Šulca, premjer-ministra Niderłandaŭ, što staršynstvujuć u ES, Marka Rute i kiraŭnika Jeŭrakamisii Žan-Kłoda Junkiera.
«My čakajem, što Złučanaje Karaleŭstva realizuje hetaje rašeńnie brytanskich hramadzian jak maha chutčej, jakim by chvaravitym ni byŭ hety praces», - adznačajuć kiraŭniki ES.
Jak padkreślivajecca ŭ zajavie, lubaja zatrymka pryviadzie da jašče bolšaj niavyznačanaści situacyi. U dakumiencie taksama havorycca, što Jeŭrasajuz nie hatovy abmiarkoŭvać jakija-niebudź novyja sastupki brytancam.