Jakubovič: Treba było adrazu skazać, što płanšety dla delehataŭ — sponsarskaja padtrymka
Hałoŭny redaktar «Savieckaj Biełarusii» Pavieł Jakubovič zajaviŭ, što płanšety, jakija atrymali ŭ padarunak udzielniki Usiebiełaruskaha schoda — sponsarskaja dapamoha.
«Płanšety dała nie dziaržava. Płanšet — heta sponsarskaja dapamoha adnoj ź firm. Dla ich heta niadoraha kaštavała, tamu što naŭrad ci hetyja płanšety ciapier uvohule pradajucca», — zajaviŭ jon u efiry «Kłuba redaktaraŭ».
Na dumku Jakuboviča, pra heta treba było skazać jašče da praviadzieńnia schodu i źniać pytańnie.
Na zaŭvahu kiraŭnika telekampanii «Mir» Uładzimira Piarcova pra toje, što niavarta apraŭdvacca za publikacyi ŭ niedziaržaŭnych ŚMI, Jakubovič adkazaŭ ścisła. «Ty ličyš, što maje słovy — apraŭdańnie? Tady ja pavinien skazać: pi harbatu».