33 čałavieki źviarnulisia da miedykaŭ u vychodnyja z-za ciepłavoha ŭdaru
U Minsku 25—26 červienia ŭ słužbu chutkaj miedycynskaj dapamohi źviarnulisia 33 čałavieki ź ciepłavymi i soniečnymi ŭdarami, paviedamiŭ žurnalistam staršynia kamiteta pa achovie zdaroŭja Minharvykankama Ihar Jurkievič.
«Čatyry čałavieki byli špitalizavany, ź ich dvoje dziaciej», - skazaŭ Ihar Jurkievič.
Kab paźbiehnuć soniečnaha i ciepłavoha ŭdaru, pierahravańnia arhanizma rekamiendujecca vykonvać prostyja praviły. Pa mahčymaści ŭ haračy pieryjad dnia treba abmiežavać čas znachodžańnia na adkrytym pavietry, asabliva ŭ hadziny aktyŭnaha sonca (z 11.00 da 16.00). U śpiakotu rekamiendujecca nasić lohkuju vopratku z naturalnych tkanin śvietłaj rasfarboŭki, pažadana, kab kaŭnier byŭ nie tuhim. Na vulicy abaviazkova karystacca hałaŭnym uboram.
Enierhietyčnaja patreba arhanizma ŭ haračaje nadvorje źnižajecca, tamu treba ŭžyvać mienš kałaryjnuju ježu.