Piekin pastupova sychodzić pad ziamlu
Mižnarodnaja hrupa navukoŭcaŭ vyjaviła, što Piekin pastupova sychodzić pad ziamlu. Praz praźmiernaje vypampoŭvańnie hruntavych vod i razbureńnie padściłajučych hornych parod kitajskaja stalica pravalvajecca na 11 santymietraŭ u hod. Artykuł z takimi dadzienymi apublikavany ŭ časopisie Remote Sensing.
Smoh u Kitai. Fota: Reuters
Pa słovach daśledčykaŭ, prasiadańnie horada stvaraje pahrozu dla biaśpieki nasielnictva i moža akazać razburalnaje ŭździejańnie na vysakachutkasnuju čyhunačnuju sistemu. Źmianieńnie vyšyni ziamli zafiksavaŭ InSAR — radarny interfieromietr ź sintetyčnaj apierturaj, jaki dazvalaje rehistravać niaznačnuju defarmacyju reljefu.
Prasiadańnie najbolš vyjaŭlena ŭ rajonie Čaajan, jaki maje šmat chmaračosaŭ, kalcavych daroh i inšych elemientaŭ haradskoj infrastruktury. Nieraŭnamiernaje panižeńnie ŭzroŭniu pavierchni asabliva niebiaśpiečna dla vyšynnych budynkaŭ i transpartnych tunelaŭ.
Piekin raźmieščany na raŭninie, pad jakoj tysiačahodździami zapasilisia hruntavyja vody. Bureńnie śvidravin i vypampoŭvańnie vod pryvodzić da taho, što parody pačynajuć uščylniacca. U rajonie horada i ŭ jaho vakolicach isnujuć dziasiatki tysiač śvidravin, jakija vykarystoŭvajucca dla azielanieńnia i sielskaj haspadarki.