Śpioka časova adstupaje: nadvorje na 28—30 červienia
Tut.by
28 červienia ŭmovy nadvorja Biełarusi budzie vyznačać vobłaść pavyšanaha atmaśfiernaha cisku, pa ŭschodzie krainy adabjecca ŭpłyŭ aktyŭnaha atmaśfiernaha frontu. Čakajecca pieramiennaja vobłačnaść. Pieravažna biez apadkaŭ, tolki pa ŭschodzie karotkačasovyja daždžy, navalnicy, miescami mocnyja zalevy, udzień u asobnych rajonach hrad. Viecier paŭnočny, paŭnočna-zachodni, umierany, pry navalnicach miescami škvalisty.
Tempieratura pavietra minimalnaja nočču +12.. + 17°S, pa paŭdniovym uschodzie +18.. + 20°S, maksimalnaja dniom ad + 20°S pa poŭnačy da + 28°S pa poŭdni.
Atmaśfierny cisk unačy budzie słaba raści, dniom istotna nie źmienicca.
29 červienia na terytoryju Biełarusi z Zachodniaj Jeŭropy raspaŭsiudzicca vobłaść pavyšanaha cisku, i tolki na ŭschodzie zachavajecca ŭpłyŭ atmaśfiernych frantoŭ. Pieravažna biez apadkaŭ, tolki pa ŭschodzie miescami karotkačasovyja daždžy, navalnicy.
Tempieratura pavietra minimalnaja nočču +12.. + 19°S, maksimalnaja dniom +22.. + 29°S.
30 červienia nadvorje abumović małaaktyŭny atmaśfierny front, jaki pieramiaščajecca z Zachodniaj Jeŭropy. U asobnych rajonach projduć karotkačasovyja daždžy, prahrymiać navalnicy. Tempieratura pavietra minimalnaja nočču +12.. + 18°S, maksimalnaja dniom +25.. + 30°S, pa paŭdniovym zachadzie da + 32°S.
Pačatak lipienia taksama budzie haračym.
U piatnicu, 1 lipienia, pieravažna pa paŭnočna-zachodniaj pałovie Biełarusi čakajucca karotkačasovyja daždžy, navalnicy. Tempieratura pavietra minimalnaja nočču +13 — +20°S, maksimalnaja dniom +25 — + 30°S, pa paŭdniovym uschodzie da + 32°S.
U vychodnyja dni na fonie vysokaha atmaśfiernaha cisku buduć prachodzić małaaktyŭnyja atmaśfiernyja franty, jakija pryniasuć miescami karotkačasovyja daždžy, navalnicy. Tempieratura pavietra nočču +13 — + 20°S, dniom +24 — + 29°S, pa poŭdni +30 — +32°S.