Napadnik na Valancinu Bykavu pakul nie znojdzieny
Śledčy kamitet pa Viciebskaj vobłaści praciahvaje śledčyja dziejańni pavodle kryminalnaj spravy ab napadzie na Valancinu Bykavu.
Adnak asoba, padazravanaja ŭ napadzie, nie vyjaŭlena. Pra heta paviedamiła pres-sakratar Śledčaha kamiteta pa Viciebskaj vobłaści Śviatłana Sacharava:
«Ad momantu zaviadzieńnia kryminalnaj spravy 27 maja, pryznačany šerah ekśpiertyz, niekalki razoŭ była apytanaja paciarpiełaja. Ale asoba, padazravanaja ŭ napadzie, nie vyjaŭlenaja. U suviazi sa śmierciu Valanciny Bykavaj pryznačanyja dadatkovyja daśledavańni, jakija pavinny vyjavić pryčyny nastupleńnia śmierci. Kančatkovyja vysnovy ŭ kryminalnaj spravie buduć zroblenyja paśla ŭsich zaklučeńniaŭ ekśpiertaŭ».
Jak paviedamiła Śviatłana Sacharava, pavodle pracesualnych normaŭ, rašeńnie ab zakryćci abo praciahu kryminalnaj spravy budzie prymacca ciaham dvuch miesiacaŭ paśla jaje adkryćcia — 27 lipienia 2016 hoda.