Stołtenbierh: U NATA damovilisia nakont adzinaj palityki strymlivańnia i dyjałohu z Rasijaj
Vystupajučy na pres-kanfierencyi ŭ subotu, na druhi dzień samitu NATA ŭ Varšavie, hieneralny sakratar NATA Jens Stołtenbierh padkreśliŭ važnaść adzinstva lidaraŭ ŭsich 28 krain Aljansu ŭ hetym pytańni.
Lidary NATA padčas niefarmalnaj viačery na samicie ŭ Varšavie ŭ piatnicu ŭviečary damovilisia prytrymlivacca adzinaj palityki strymlivańnia i dyjałohu z Rasijaj. Pra heta zajaviŭ na pres-kanfierencyi 9 lipienia Jens Stołtenbierh, paviedamlaje karespandent «Jeŭrapiejskaj praŭdy».
«Hałoŭnaja ideja zaklučajecca ŭ tym, što Aljans abjadnany, što my trymajemsia razam. Ja vielmi rady bačyć, što hetaja dumka vielmi mocnaja siarod krain. Hałoŭny miesiedž hetaj viačery ŭ tym, što abarona i dyjałoh heta toje, što lažyć u asnovie našych adnosin», — skazaŭ Stołtenbierh.
Adkazvajučy na pytańnie, ci zhodny jon z kamientarami prezidenta Francyi Fransua Alanda, što Rasija nie pahroza, a partnior, Stołtenbierh zajaviŭ, što NATA ŭ zusim novaj situacyi.
«My nie bačym jakich-niebudź niepasrednych pahroz suprać luboha sajuźnika NATA. Rasija nie źjaŭlajecca stratehičnym partnioram, my z Rasijaj nie ŭ stratehičnym partniorstvie, jakoje my sprabavali raźvić, ale my i nie ŭ situacyi «chałodnaj vajny», — dadaŭ jon.