Aŭtary Marvel zabili Chałka
U trecim vypusku komiksa «Civil War II» ad Marvel aŭtary pazbavili žyćcia Chałka (ci doktara Brusa Bienera), adnaho z samych viadomych supierhierojaŭ.
Pa siužecie Chałk zabiŭ jaho ž tavaryš Sakalinaje Voka, puściŭšy jamu strału ŭ hałavu.
«Našym hierojam spatrebicca šmat času, kab źmirycca sa strataj Chałka. Akramia taho, jaho śmierć stanie traŭmaj dla fanataŭ», - prakamientavaŭ hetuju navinu vydańniu New York Daily News hałoŭny redaktar Marvel Aksiel Ałonsa.
Chałka prydumali scenaryst Sten Li i mastak Džek Kirbi jašče ŭ 1962 hodzie. U filmach ź sieryi «Mściŭcy» jaho rolu vykonvaŭ akcior Mark Rufała.
Śmierć hieroja adbyłasia praz tydzień paśla taho, jak Marvel abviaścili, što novym Žaleznym čałaviekam stanie piatnaccacihadovaja čarnaskuraja dziaŭčyna Ryry Uiljams.