Izrailskaja armija zabaraniła łavić pakiemonaŭ na vajskovych bazach
Siły abarony Izraila (CACHAŁ) apublikavali papiaredžańnie nakont hulni Pokemon GO, piša sajt haziety haaretz.
Adździeł infarmacyjnaj biaśpieki izrailskaj armii nahadvaje, što hulnia patrabuje infarmacyju pra miescaznachodžańnie čałavieka i abjektach, jakija znachodziacca pobač ź im.
Da taho ž hetaja infarmacyja moža patrapić u adkryty dostup u interniecie. Heta stvaraje niebiaśpieku dla vajskoŭcaŭ.
Sacyjalnyja sietki i roznyja mabilnyja nałady stvaryli dla armiejskich kampjutarščykaŭ, chakieraŭ, raźviedčykaŭ i žurnalistaŭ absalutna novuju prastoru dla dziejnaści.
Z-za nieaściarožnaha karystańnia sacyjalnymi sietkami ŭ ahulny dostup žaŭniery ŭžo adpravili šmat sakretnaj infarmacyi - dziakujučy hetamu, naprykład, mižnarodnaja hrupa Bellingcat vysačyła šlach rasijskaj sistemy SPA «Buk», jakaja źbiła małajzijski łajnier u niebie Ukrainy. Taksama akazalisia ŭ adkrytym dostupie śviedčańni prysutnaści na Danbasie rasiejskich žaŭnieraŭ.