Kolkaść raście: pry sprobie dziaržaŭnaha pieravarotu ŭ Turcyi zahinuli 90 čałaviek
AFP
U Turcyi ŭ vyniku sproby dziaržaŭnaha pieravarotu i padaŭleńnia paŭstańnia zahinuli nie mienš za 90 čałaviek, paviedamlaje Agence France-Presse sa spasyłkaj na tureckaje ahienctva Anadolu.
Pa ŭdakładnienych dadzienych, 1154 čałavieki atrymali ranieńni. U asnoŭnym sutyknieńnia adbyvalisia ŭ stalicy Turcyi Ankary i najbujniejšym horadzie krainy Stambule. Jość nie mienš za dźvie achviary ź liku supracoŭnikaŭ palicyi, jakija achoŭvali hatel na kurorcie Marmarysie, dzie spyniaŭsia prezident Turcyi Redžep Erdahan.
Raniej aficyjnych źviestak ab kolkaści zahinułych u vyniku sutyknieńniaŭ paśla pieravarotu nie paviedamlałasia, ale było viadoma, što achviarami stali niekalki dziasiatkaŭ čałaviek.
U Turcyi pravaliłasia maštabnaja sproba vajskovaha pieravarotu