Zorka «Lestera» sychodzić u «Čełsi»
«Čełsi» aficyjna abviaściŭ pra tranśfier paŭabaroncy Nhało Kante, jaki raniej vystupaŭ za čempijona Anhlii «Lester».
Chaŭbiek zaklučyŭ z łondanskim kłubam piacihadovy kantrakt.
«Ja vielmi ščaślivy padpisać kantrakt z adnym z samych vialikich kłubaŭ Jeŭropy. Mahčymaść papracavać z Antonia Konte, bliskučym trenieram, i niekatorymi z najlepšych futbalistaŭ śvietu — heta zanadta dobra, kab ad takoha admaŭlacca.
Moj pieršy siezon u premjer-lizie atrymaŭsia asablivym. Ja spadziajusia dasiahnuć navat bolšaha za čas, jaki praviadu ŭ «Čełsi». Ź nieciarpieńniem čakaju sustrečy z novymi partniorami. Chaču dapamahčy kłubu damahčysia vialikaha pośpiechu», - skazaŭ paŭabaronca.
Raniej siońnia źjaviłasia infarmacyja, što inšaja supierzorka «Lestera» Ryjad Marez nie maje namieru zastavacca ŭ kłubie.