Erdahan zaklikaŭ ZŠA vydać prapaviednika Fietchułu Hiulena
Prezident Turcyi Redžep Taip Erdahan zaklikaŭ prezidenta ZŠA Baraka Abamu vydać prapaviednika i ŭpłyvovaha hramadskaha dziejača Fietchułu Hiulena, jakoha Ankara abvinavačvaje ŭ dačynieńni da sproby vajskovaha pieravarotu ŭ krainie.
Reuters.com
«Ja źviartajusia da prezidenta ZŠA. Ja kazaŭ, kab vy ci departavali hetaha čałavieka, abo vydali nam. Ale mianie nie pačuli. Ciapier ža paśla hetaj sproby pieravarotu ja znoŭ kažu: vydajcie jaho Turcyi — zajaviŭ Erdahan. — Kali my źjaŭlajemsia stratehičnymi partniorami, to vy pavinny vykanać našu prośbu».
Sam Hiulen u subotu ŭviečary znoŭ zrabiŭ zajavu ab tym, što nie maje dačynieńnia da putču. Raniej prapaviednik ŭžo dvojčy asudžaŭ sprobu pieravarotu.
Barak Abama pakul nie kamientavaŭ prośby Ankary ab vydačy Hiulena. U zajavie Biełaha doma, vypuščanaj u subotu, Abama zaklikaŭ ułady Turcyi dziejničać u adpaviednaści z zakonam, kab nie dapuścić padziej, jakija mohuć pryvieści da eskałacyi hvałtu i niestabilnaści.
Dziaržsakratar ZŠA Džon Kiery raniej zajaviŭ, što pierš za ŭsio Turcyja pavinna dakazać vinu Fietchuły Hiulena ŭ padziejach minułaj nočy.