Staršynia KDB: U pradstaŭnikoŭ apazicyi surjoznyja prablemy sa zboram podpisaŭ
Staršynia Kamiteta dziaržaŭnaj biaśpieki Valeryj Vakulčyk padčas dakładu 18 lipienia Alaksandru Łukašenku asobna paviedamiŭ pra chod kampanii pa vybarach deputataŭ Pałaty pradstaŭnikoŭ.
Parłamienckaja kampanija ŭ Biełarusi prachodzić dosyć aktyŭna, zajaviŭ Vakulčyk žurnalistam paśla dakłada. «U cełym situacyja ŭ našaj krainie zastajecca dosyć stabilnaj i spakojnaj. Pravodzicca pieradvybarnaja kampanija. Kiraŭnik dziaržavy prainfarmavany, što dastatkova vysokaja aktyŭnaść štaboŭ pretendentaŭ u kandydaty ŭ deputaty pa zbory podpisaŭ, arhanizacyi pracy pikietaŭ. U štatnym režymie pracujuć vybarčyja kamisii».
Pry hetym jon adznačyŭ, što «nazirajecca dosyć nizki ŭzrovień cikavaści hramadzian Biełarusi da pretendentaŭ ź liku pradstaŭnikoŭ roznych apazicyjnych struktur». «U ich uźnikajuć surjoznyja prablemy sa zboram podpisaŭ z ulikam nizkaj cikavaści da ich z boku hramadzian Biełarusi», — zajaviŭ Vakulčyk.
Parłamienckija vybary projduć 11 vieraśnia.