Były hałoŭnakamandujučy VPS Turcyi pryznaŭsia ŭ arhanizacyi buntu
Były hałoŭnakamandujučy vajenna-pavietranych sił Turcyi Akyn Aźciurk pryznaŭsia ŭ arhanizacyi sproby pieravarotu ŭ krainie, paviedamlaje tureckaje dziaržaŭnaje infarmahienctva Anadału.
Pa niekatorych dadzienych, tureckija ŭłady ličać jaho niepasrednym arhanizataram sproby dziaržaŭnaha pieravarotu.
U Turcyi praciahvajucca aryšty vajskoŭcaŭ i čynoŭnikaŭ u suviazi ź niaŭdałaj sprobaj pieravarotu, zroblenaj hrupaj vajskoŭcaŭ.
Ułady Turcyi adchilili ad pracy amal 9 tysiač palicejskich. Aryštavana bolš za 100 vysokapastaŭlenych vajskoŭcaŭ.
Pa dadzienych ŚMI, 27 hienierałaŭ i admirałaŭ, u tym liku były kamandujučy vajenna-pavietranymi siłami Akyna Aźciurk, dastaŭleny ŭ Pałac pravasudździa Ankary i rychtujucca paŭstać pierad sudom.
Raniej prezident Turcyi Redžep Taip Erdahan paabiacaŭ, što parłamient razhledzić mahčymaść viartańnia śmiarotnaha pakarańnia ŭ suviazi z paŭstańniem.
Pry hetym aficyjny pradstaŭnik urada Hiermanii Štefien Zajbierh zajaviŭ, što Turcyju nie prymuć u ES u vypadku jaje viartańnia da śmiarotnaha pakarańnia.