Zatrymanyja piaciora padazravanych u terakcie ŭ Nicy
Francuzskija ŭłady zatrymali pieciarych padazravanych u terakcie ŭ Nicy, paviedamlajuć infarmahienctvy.
Jak raspavioŭ žurnalistam prakuror Paryža Fransua Malens, byli zatrymanyja troje vychadcaŭ z Tunisa i dvoje z Ałbanii. Usie jany padazrajucca ŭ saŭdziele ŭ padrychtoŭcy teraktu ŭ Nicy.
Pa słovach prakurora, rasśledavańnie paćvierdziła, što teraryst Machamied Łachuajiedž Buchlel vioŭ praciahłuju padrychtoŭku svajho napadu i, chutčej za ŭsio, u jaho byli saŭdzielniki.
Jak paviedamlałasia, terakt u Nicy adbyŭsia ŭnačy 14 lipienia. Pavodle apošnich źviestak, jaho achviarami stali 84 čałavieki, dziasiatki paciarpieli.