U Kijevie adbyvajecca cyrymonija raźvitańnia z Paŭłam Šaramietam ANŁAJN-VIDEA
U Kijevie adbyvajecca žałobnaja cyrymonija raźvitańnia z žurnalistam Paŭłam Šaramietam, jaki byŭ zabity ranicaj 20 lipienia. Raźvitańnie prachodzić va «Ukrainskim domie» na Chreščaciku, 2. Cyrymonija pačałasia a 11-j i zavieršycca a 14-j.
Paśla raźvitańnia ŭ Kijevie cieła Paŭła Šaramieta dastaviać samalotam u Minsk. 23 lipienia z 11.00 da 14.00 pa im adsłužać panichidu ŭ chramie Usich Śviatych pa vulicy Kalinoŭskaha, 121. Žurnalist budzie pachavany na Paŭnočnych mohiłkach pobač z baćkam. Pachavańnie, jak miarkujecca, pačniecca a 14.30.