Baskietbalisty «Cmoki-Minsk» zhulajuć z bałharskim «Rylski» ŭ kvalifikacyi Lihi čempijonaŭ
U Miunchienie prajšło losavańnie novaha prajektu FIBA-Jeŭropa — pieršaha rozyhryšu baskietbolnaj Lihi čempijonaŭ, u jakoj vystupić i lepšy biełaruski kłub «Cmoki-Minsk».
U pieršym kvalifikacyjnym raŭndzie čempijony Biełarusi sustrenucca z bałharskim kłubam «Rylski». Pieršy pajadynak projdzie 27 vieraśnia ŭ Bałharyi, matč u adkaz adbudziecca 29 vieraśnia na placoŭcy «Minsk-Areny». U vypadku pieramohi pa sumie dźviuch sustreč padapiečnym Ihara Hryščuka ŭ druhim raŭndzie adboru treba budzie dvojčy sustrecca ź izrailskim kłubam «Naharyja» (4 i 6 kastryčnika).
Kali «Cmoki» paśpiachova projduć druhi kruh kvalifikacyi, to jany patrapiać u hrupu A asnoŭnaha turniru. Niaŭdačniki pieršaha i druhoha kvalifikacyjnych raŭndaŭ Lihi čempijonaŭ praciahnuć mižnarodny siezon u rozyhryšy Jeŭrakubka FIBA.