U Turcyi zapeŭnivajuć, što ŭviadzieńnie režymu NS nie adabjecca na turystach
Uviadzieńnie režymu nadzvyčajnaha stanovišča ŭ Turcyi nie adabjecca na turystach i zvyčajnych hramadzianach, paviedamlajuć infarmahienctvy sa spasyłkaj na ministra kultury i turyzmu Turcyi Nabi Aŭdžy.
Palityk adznačyŭ, što režym nadzvyčajnaha stanovišča byŭ uviedzieny dla chutčejšaha pieraadoleńnia nastupstvaŭ sproby vajennaha pieravarotu. U pieršuju čarhu havorka idzie ab nieadkładnym pryciahnieńni da adkaznaści datyčnych da arhanizacyi putču. Nabi Aŭdžy padkreśliŭ, što ŭsie aeraporty krainy adkrytyja, niama prablem z handlovaj i vytvorčaj śfierami, kamiendanckaja hadzina nie ŭvodziłasia. Ministr kultury i turyzmu Turcyi źviarnuŭ uvahu, što prablem z zabieśpiačeńniem biaśpieki adpačyvalnikaŭ niama, tamu masavaha adtoku zamiežnikaŭ z krainy taksama niama.
Napiaredadni ab uviadzieńni režymu nadzvyčajnaha stanovišča ŭ Turcyi zajaviŭ prezident krainy Redžep Taip Erdahan. Miera była pryniataja paśla sproby vajennaha pieravarotu, jakaja adbyłasia 16 lipienia.