Brat Baraka Abamy vystupiŭ u padtrymku Donalda Trampa FOTA
Zvodny brat prezidenta ZŠA Baraka Abamy kienijec Malik zajaviŭ, što siarod kandydataŭ u prezidenty ZŠA padtrymlivaje miljardera Donalda Trampa, paviedamlaje The New York Post.
«Mnie padabajecca Donald Tramp, tamu što jon kaža ad serca. Zrabić Amieryku znoŭ vialikaj — heta vydatny słohan. Ja b chacieŭ ź im sustrecca», — skazaŭ Malik pry sustrečy z žurnalistam vydańnia ŭ svajoj vioscy Kahieła.
Pa jaho słovach, jon «hłyboka rasčaravaŭsia» u palitycy administracyi jaho brata Baraka, praz što jon, budučy doŭhi čas demakratam, vyrašyŭ padtrymlivać «partyju Linkalna» — Respublikanskuju partyju.
Malik adznačyŭ, što «apošniaj kroplaj» stała toje, što FBR rekamiendavała nie pryciahvać da adkaznaści kandydata ad demakrataŭ Chiłary Klintan za vykarystańnie pryvatnaha paštovaha sierviera dla abmienu kanfidencyjnaj infarmacyjaj na pasadzie dziaržsakratara ZŠA.
Taksama jon raspavioŭ, što jamu było niepryjemna rašeńnie Klintan i jaho brata zabić byłoha lidara Livii Muamara Kadafi, jakoha jon nazyvaje adnym sa svaich lepšych siabroŭ.
U jaho płanach pajechać nazad u Złučanyja Štaty ŭ listapadzie, kab na vybarach prezidenta ZŠA prahałasavać za Trampa.
Sam Tramp ŭ svaim tvitary prakamientavaŭ hetuju infarmacyju, napisaŭšy, što Abama, «vierahodna, staviŭsia kiepska» da Malika, «jak i da ŭsich astatnich».