Biełarusbank pieranosić uviadzieńnie kamisii za pryjom płaciažoŭ najaŭnymi z 1 žniŭnia na 1 kastryčnika
AAT «ASB Biełarusbank» pieranosić ŭviadzieńnie kamisii za pryjom płaciažoŭ najaŭnymi z 1 žniŭnia na 1 kastryčnika, adpaviednaja infarmacyja raźmieščana na sajcie banka.
«Praŭleńnie Biełarusbanka pryniało rašeńnie pieranieści termin uviadzieńnia płaty za ažyćciaŭleńnie apieracyj pa płaciažach najaŭnymi hrašovymi srodkami ŭ biełaruskich rublach praz kasy banka z 1 žniŭnia na 1 kastryčnika 2016 hoda. Akramia taho, vyrašana adnavić z 1 žniŭnia pa 30 vieraśnia akcyju z admysłovaj prapanovaj pa rehistracyi klijentaŭ u sistemie «Internet-bankinh», - havorycca ŭ paviedamleńni.
U banku patłumačyli, što hetyja rašeńni byli pryniatyja, kab dać klijentam mahčymaści dla padklučeńniaja da kanałaŭ dystancyjnaha bankaŭskaha absłuhoŭvańnia, a taksama praviadzieńnia dadatkovaj rastłumačalnaj pracy pra asablivaści ažyćciaŭleńnia raźlikaŭ apłatnymi kartkami, u tym liku z vykarystańniem bankamataŭ, infakijoskaŭ i kanałaŭ dystancyjnaha bankaŭskaha absłuhoŭvańnia (« internet-bankinh», «M-bankinh», «SMS-bankinh», «TB-bankinh»).
Jak paviedamlałasia, z 1 žniŭnia Biełarusbank płanavaŭ uvieści kamisiju za pryjom płaciažoŭ najaŭnymi. Pamier jaje składzie Br1 (denaminavanyja) za razavy zvarot u kasu, niezaležna ad kolkaści płaciažoŭ, jakija buduć zaklučany.
Kali płaciažy buduć pravodzicca z dapamohaj apłatnaj karty banka, to płacić nie treba. Dadatkovaja płata nie budzie źbiracca i pry kupli valuty, a taksama pry ažyćciaŭleńni płaciažoŭ u biudžet (da ich adnosiacca padatki, štrafy, dziaržpošliny). Akramia taho, ukazanaja kamisija nie budzie bracca ź vieteranaŭ Vialikaj Ajčynnaj vajny, pa vykanańni abaviazacielstvaŭ pierad bankam (pahašeńnie kredytaŭ, płaciažy za pasłuhi banka), z płaciažoŭ i zaličeńnia na dabračynnyja rachunki, z zaličeńnia na rachunki fizičnych asob, adkrytyja ŭ Biełarusbanku.