Za karystańnie VPN abo proksi ŭ AAE pahražaje turma i štraf u pamiery $545 tys.
Prezident Abjadnanych Arabskich Emirataŭ padpisaŭ dakumient, jaki ŭzmacniaje adkaznaść pa zakanadaŭstvu, nakiravanamu na procidziejańnie ličbavamu piractvu. Ciapier za niezakonnaje vykarystańnie VPN abo proksi-siervieraŭ pahražaje štraf da $545 tys., a taksama turemnaje źniavoleńnie. Minimalnaja ž suma štrafu składzie $136 tys.
Raniej zabarona na vykarystańnie VPN datyčyłasia situacyj, kali złamyśniki zamiatali svaje «ličbavyja ślady» padčas kryminalnych złačynstvaŭ. Ciapier pad dziejańnie zakona padpadajuć usie karystalniki virtualnych pryvatnych sietak. Nie vyklučana, što pad udaram apynucca karystalniki VoIP-servisaŭ (u krainie dazvoleny tolki niekalki łakalnych płatformaŭ — Etislat i du).
Jak adznačaje ZDNet, novyja zakony mohuć niehatyŭna adbicca na dziejnaści zamiežnych kampanij u AAE.