Na BT śćviardžajuć, što NISEPD nasamreč nie pravodzić sacyjałahičnyja daśledavańni
U viečarovym efiry telekanała «Biełaruś-1» pa-za prahramaj pieradač było pakazana ananimnaje rasśledavańnie «Prymat NISEPD».
U im było ahučana mierkavańnie, što sacyjałahičnyja daśledavańni, vyniki jakich pieryjadyčna publikuje NISEPD (Niezaležny instytut sacyjalna-ekanamičnych i palityčnych daśledavańniaŭ), nasamreč nie pravodziacca. Finansy, vydzielenyja zachodnimi donarami na dziejnaść arhanizacyi, źnikajuć u nieviadomym nakirunku, śćviardžaje «Biełaruś-1».
Ad 1992 hoda NISEPD kiruje sacyjołah Aleh Manajeŭ. U pačatku 2000-ch arhanizacyja była likvidavanaja pa rašeńni Viarchoŭnaha suda Biełarusi i atrymała rehistracyju ŭ Litvie.
Aleh Manajeŭ.
U efiry była patłumačana, što ŭnutranuju spravazdačnaść NISEPD na BT… prosta padkinuli. Ahučanaja infarmacyja nie mahła być atrymanaja žurnalistami zakonnym čynam i vyhladaje padobnaj da źlivu śpiecsłužb.
Kali b BT zrabiła takoje samaje rasśledavańnie falsifikacyj na vybarach i ŭ aficyjnych sacapytańniach — cany b im nie było.