U deputaty ad partyi Hajdukieviča idzie 22-hadovaja muzyčnaja pramoŭtar
Adna z samych maładych kandydatak na parłamienckich vybarach-2016 — 22-hadovaja Milena Kieler. Jana žyvie ŭ Minsku, ale budzie bałatavacca pa Staŭbcoŭskaj akruzie №70. Tudy jaje nakiravała partyja. Milena idzie ŭ deputaty ad Libieralna-demakratyčnaj partyi siamji Hajdukievičaŭ.
Dziaŭčyna vučyłasia ŭ EHU, a ciapier pracuje viadučym śpiecyjalistam PUP «Džietsaunds».
«Zasuńcie svoj parad sabie ŭ ž…u. Lepš by hrošy, puščanyja voś na heta, razdali vieteranam i piensijanieram, jakija majuć patrebu. Hladzieć niama na što. Vidovišča dla pryjezdžych i ŭbohich ludziej. U muziej VAV možna pahladzieć na takija ž mašyny i tanki, biez škody dla horada i času haradžan. A pierakryć horad u hadzinu pik — heta pavaha da naroda, biezumoŭna», — vykazvała jana niadaŭna svaju hramadskuju pazicyju.
«Dačka paśpiachovaha biznesmiena i viadomaha advakata, Milena źjaŭlajecca prykmietnaj fihuraj u minskim kłubnym žyćci», — pradstaŭlali jaje ŭ intervju na sajcie Mi.by.
Milena chvaliłasia, što chodzić na viečarynki razam sa svajoj mamaj, choć i trymajecca asobna.
Mama Mileny — advakat Hanna Kieler, śpiecyjalizujecca na šlubarazvodnych pracesach
«Ludzi ŭvohule źjechali z hłuzdu», — havorycca ŭ apošnim dopisie Mileny ŭ tvitary.