Iranskija ŭłady zabaranili hulniu Pokemon Go
Iranskija ŭłady zabaranili hulniu dla smartfonaŭ Pokemon Go, jak śćviardžajecca, — ź mierkavańniaŭ biaśpieki. Rašeńnie było pryniata Vyšejšaj radaj virtualnaj prastory — aficyjnym viedamstvam, jakoje ažyćciaŭlaje nahlad za anłajn-aktyŭnaściu žycharoŭ Irana.
U čym mienavita zaklučajecca pahroza biaśpieki, čynoŭniki nie ŭdakładnili.
Heta nie pieršy vypadak, kali palityki vykazvajuć aściarohi z-za hulni, udzielnikam jakoj treba «łavić» kišennych monstraŭ z dapamohaj smartfona. Adnak Iran staŭ pieršaj dziaržavaj, jakaja nakłała poŭnuju zabaronu na Pokemon Go.
U minułym miesiacy paviedamlałasia, što iranskija ŭłady vyśviatlajuć, nakolki stvaralniki hulni hatovyja supracoŭničać ź imi, pierad tym jak pryniać rašeńnie ab zabaronie.