Vyśvietlili pryčynu hibieli chłopčyka na samaj vysokaj vodnaj horcy śvietu
Pryčynaj śmierci 10-hadovaha syna amierykanskaha kanhresmiena, jaki zahinuŭ pry spusku z samaj vysokaj u śviecie vodnaj horcy, stała traŭma šyi.
Fota kansascity.com.
Pra heta, jak paviedamlaje The Kansas City Star, zajavili ŭ palicyi.
U supracoŭnikaŭ pravaachoŭnych orhanaŭ zastajecca jašče šmat pytańniaŭ u suviazi z hetym incydentam.
Ź dziciem u łodcy dla spusku znachodzilisia dźvie žančyny, jakija nie byli ź im znajomyja. Jany atrymali nievialikija traŭmy tvaru i byli špitalizavanyja.
Kaleb Tomas, syn kanhresmiena ad štata Kanzas Skota Švaba, zahinuŭ u niadzielu, 7 žniŭnia, u Kanzas-sici, kali kataŭsia na vodnaj horcy ŭ akvaparku Šliterban. Paśla incydentu akvapark začynili na čas rasśledavańnia.
Vyšynia zbudavańnia pad nazvaj «Fierukt» (Verruckt, pierakładajecca ź niamieckaha jak «varjackaja») składaje kala 50 mietraŭ, da jaho viaršyni viaduć 264 prystupki. «Fierukt» zaniesieny ŭ Knihu rekordaŭ Hiniesa jak samaja vysokaja vodnaja horka na płaniecie.
Fota i.amz.mshcdn.com.