Pamier biełaruskaj siamji pavialičvajecca
Pra heta paviedamiła na pres-kanfierencyi namieśnik načalnika adździeła narodanasielnictva, hiendarnaj i siamiejnaj palityki Ministerstva pracy i sacyjalnaj abarony Maryna Arciomienka.
Tak, u 2015 hodzie 57,2 pracenta novanarodžanych - heta druhija, trecija i nastupnyja dzieci (u 2014 hodzie — 54,1 pracenta). Siarod rehijonaŭ respubliki pa naradžeńni treciaha i nastupnych dziaciej lidziravała Bresckaja vobłaść, druhija dzieci bolš naradžalisia ŭ Minsku.
Šmatdzietnych siemjaŭ u krainie ŭžo naličvajecca bolš jak 83 tys. (pavodle danych pierapisu 2009 hoda, ich było 62,5 tys).
Z 2014 hoda pavialičvajecca kolkaść nasielnictva Biełarusi - heta ŭpieršyniu za apošnija 20 hadoŭ. Na 1 lipienia hetaha hoda ŭ respublicy naličvałasia 9,5 młn žycharoŭ (u paraŭnańni z pačatkam hoda ich stała bolš na 1 590 čałaviek). U mnohim heta abumoŭlena realizacyjaj mier pa pavyšeńni naradžalnaści, padtrymcy siamji, achovie maciarynstva i dziacinstva, adznačyła Maryna Arciomienka. U minułym hodzie naradziłasia 119 tys. dziaciej — heta samy vysoki pakazčyk za 20 hadoŭ. Sumarny kaeficyjent naradžalnaści ŭ 2015 hodzie skłaŭ 1,72 (u 2010-m — 1,49). Pa kolkaści novanarodžanych lidziruje stalica, dzie ŭ 2015 hodzie źjaviłasia na śviet amal 23 tys. dziaciej - kožny piaty novanarodžany ŭ krainie. Krychu bolš za 19 tys. dziaciej naradziłasia ŭ minułym hodzie ŭ Minskaj vobłaści, nabližajucca da hetaj ličby Bresckaja i Homielskaja vobłaści.
Rost naradžalnaści nazirajecca i ŭ biahučym hodzie, padkreśliła pradstaŭnik ministerstva. Za studzień-červień hetaha hoda naradziłasia 58 266 dziaciej, što na 1 718 dziaciej, abo na 3 pracenty, bolš, čym za studzień-červień minułaha hoda.
Pavodle słoŭ śpiecyjalista, u Biełarusi sfarmiravana efiektyŭnaja i davoli poŭnaja zakanadaŭčaja baza pa siamiejnaj palitycy. Jana ŭklučaje narmatyŭnyja pravavyja akty pa padtrymcy i ŭmacavańni siamji, zaachvočvańni maciarynstva i dziacinstva, abaronie pravoŭ dziaciej. Asabliva značnyja sacyjalna-ekanamičnyja miery pryniaty ŭ apošnija hady. Zabiaśpiečany rost pamieraŭ dapamoh pa dohladzie dziaciej, uviedzieny dadatkovyja vidy materyjalnaj padtrymki siemjaŭ, pradastaŭlajecca šyroki śpiektr sacyjalnych pasłuh. Akazańnie padtrymki pačynajecca z naradžeńnia dziciaci i navat raniej, dadała Maryna Arciomienka. Heta kompleksnaje miedycynskaje abśledavańnie, vypłata dapamoh pa ciažarnaści i rodach, pradastaŭleńnie sacyjalnych vodpuskaŭ.
Što datyčycca vodpusku da dasiahnieńnia dziciem uzrostu 3 hadoŭ, to jon moža być vykarystany poŭnaściu abo pa častkach luboj praciahłaści. Prava na taki vodpusk majuć nie tolki maci, ale i baćki, inšyja svajaki, členy siamji dziciaci ŭ vypadku vychadu maci na rabotu abo pradaŭžeńnia vučoby ŭ dzionnaj formie atrymańnia adukacyi, prachodžańnia słužby. Akramia taho, kali mama - indyvidualny pradprymalnik, advakat, ramieśnik, nataryus, to ŭ baćki dziciaci abo inšaha člena siamji taksama jość prava na vodpusk.
Darečy, u vodpusku pa dohladzie dziciaci da dasiahnieńnia im uzrostu 3 hadoŭ u minułym hodzie znachodziłasia 3 097 mužčyn, u 2014 hodzie — 2 745 mužčyn.