Pradukty dla japonskaha restarana ŭ Minsku zachoŭvalisia ŭ brudnym haražy
Nielehalny skład ekzatyčnych praduktaŭ dla stravaŭ japonskaj kuchni vykryli ŭ Minsku supracoŭniki Kamiteta dziaržkantrolu. Ikra latučaj ryby, tyhrovyja krevietki, marynavany imbierac, marskija vodaraści, avakada i šyrokaja liniejka japonskich soŭsaŭ — usio heta zachoŭvałasia ŭ haražy ŭ pryvatnym siektary ŭ antysanitarnych umovach.
Fota kgk.gov.by.
Kali supracoŭniki KDK pryjšli na hety «skład» z pravierkaj, to ŭbačyli pobač z haražom mašynu, hatovuju dla dastaŭki praduktaŭ u restaran viadomaj u stalicy handlova marki. Z hetych praduktaŭ pavinny byli rabić sušy, sašymi, roły i inšyja ekzatyčnyja stravy.
Finansavaja milicyja vyśvietliła, što na ŭsie znojdzienyja pradukty nie było dakumientaŭ, jakija paćviardžajuć ich nabyćcio i jakaść. Sami ŭmovy zachoŭvańnia nie adpaviadali normam, jakija zabiaśpiečvajuć zdaroŭje i biaśpieku spažyŭcoŭ takoj ekzotyki.
Košt nielehalnych praduktaŭ skłaŭ kala 16 tysiač denaminavanych rubloŭ. Padčas pravierki taksama vyśvietliłasia, što sajt handlovaj marki, praź jaki prymalisia zamovy na vyrab i dastaŭku hatovych stravaŭ pa Minsku, nie byŭ zarehistravany ŭ Biełarusi zakonnym čynam.
Ciapier viadziecca administratyŭny praces, paviedamlaje pres-słužba KDK.