Majkł Fiełps i małady prychilnik, jaki pieramoh jaho praz vosiem hadoŭ FOTAFAKT
Alimpijskim čempijonam na dystancyi 100 mietraŭ baterflajem 12 žniŭnia 2016 hady staŭ spatsmien ź Sinhapura Džozef Isaak Šulinh (50,39). Druhoje miesca padzialili try spartoŭcy (51,14). Siarod ich 22-razovy alimpijski čempijon Majkł Fiełps, pryčym na hetaj dystancyi Fiełps pieramahaŭ na troch Alimpijadach zapar.
Majkł Fiełps i Džozef Šulinh ŭ Rya.
U suviazi ź pieramohaj Šulinha miedyja raspaŭsiudzili zdymak, na jakim jon sfatahrafavany sa svaim kumiram Majkłam Fiełpsam u 2008 hodzie. Jany vypadkova sustrelisia napiaredadni Alimpijskich hulniaŭ u Piekinie — amierykanskaja kamanda treniravałasia ŭ Sinhapury i naviedała zaharadny kłub, u jakim akurat byŭ i 13-hadovy Šulinh.
Majkł Fiełps i Džozef Šulinh ŭ 2008 hodzie.
Ciapier Fiełpsu 31 hod, a Šulinhu — 21. Paśla svajho 22-ha miedala, atrymanaha 12 žniŭnia, Fiełps abviaściŭ, što zavieršyć svaju karjeru razam sa skančeńniem Alimpijskich hulniaŭ u Rya.