Polka Anita Uładarčyk pakazała fantastyčny vynik u kidańni mołata, biełaruska — tolki siomaja
Polskaja kidalnica mołata Anita Uładarčyk vyjhrała Alimpijskija hulni za jaŭnaj pieravahaj. U čaćviortaj sprobie jana pakazała vynik 82 mietry 29 santymietraŭ, jaki pieraŭzychodzić suśvietny rekord bolš čym na mietr.
Raniejšy rekord taksama naležyŭ Uładarčyk, hod tamu na spabornictvach u Bierlinie jana pakazała 81,08.
Jasna, što pry takich raskładach nichto kankurencyju polcy skłaści nie moh. Srebrany miedal źjazdžaje ŭ Kitaj, adnak Vienh Ksiu Čžan sastupiła Uładarčyk amal 6 mietraŭ.
Bronza dastajecca brytancy Safi Chitčan, jakaja apošniaj sprobaj dramatyčna apiaredziła niemku.
U biełaruski Hanny Małyščyk u finale siomy vynik. Jana kinuła mołat 71 mietr i 90 santymietraŭ.