Navukoŭcy zmahli patłumačyć, čamu z uzrostam čas lacić chutčej
Daśledčyki vyśvietlili, čamu z pavieličeńniem uzrostu čałavieka paskarajecca i čas dla jaho.
Kažuć, što čas z uzrostam pačynaje lacieć chutčej praz toje, što ŭ darosłych zaŭsiody šmat spraŭ, i jany viečna ŭsiudy nie paśpiavajuć. U pryncypie, u hetym jość dola praŭdy.
Ale apošniaje daśledavańnie navukoŭcaŭ pakazała, što źmieny ŭ čałaviečym mietabaliźmie značna ŭpłyvajuć na adčuvańnie chutkaści času. Naprykład, na adnym z etapaŭ našaha žyćcia źmianiajecca naš ŭnutrany bijałahičny hadzińnik. U hety pieryjad naš mietabalizm zapavolvaje svoj chod razam z sercabićciem i dychańniem.
Akramia hetaha, śpiecyjalisty bačać adnoj z pryčyn pavieličeńnie patoku infarmacyi. Kali my jašče maleńkija, my vyvučajem śviet. Tady nam usio padajecca novym i čas idzie krychu pavolniej, a z uzrostam, kali patok infarmacyi skaračajecca, čas pačynaje paskaracca.
Jašče adzin faktar, jaki ŭpłyvaje na čas — harmon dafamin. Jaho ŭzrovień u arhaniźmie čałavieka paśla 20 hadoŭ pačynaje skaračacca. Heta stvaraje ŭražańnie, što čas paskarajecca.