Pucin zajaviŭ ab žadańni adnavić poŭnafarmatnyja adnosiny z Turcyjaj
«My ščyra imkniemsia da adnaŭleńnia poŭnafarmatnych adnosinaŭ z Turcyjaj, z krainaj, ź jakoj u nas na praciahu mnohich papiarednich hadoŭ składvalisia i skłalisia unikalnyja adnosiny supracoŭnictva, uzajemadziejańnia», — zajaviŭ kiraŭnik Rasii.
Pavodle jaho słoŭ, niadaŭni vizit prezidenta Turcyi Redžepa Taipa Erdahana ŭ Rasiju paćviardžaje ŭzajemny nastroj na rabotu pa adnaŭleńni suviaziej.
Pra imknieńnie adnavić adnosiny z Turcyjaj Pucin raspavioŭ pierad pačatkam sustrečy z prezidentam Kazachstana Nursułtanam Nazarbajevym. U chodzie pierahavoraŭ u liku inšaha abmiarkoŭvałasia tema rasijska-tureckich uzajemaadnosin. Taksama baki abmierkavali pytańni dvuchbakovaha handlova-ekanamičnaha i kulturna-humanitarnaha supracoŭnictva.
U chodzie sustrečy Pucin z padziakaj adznačyŭ rolu Nazarbajeva ŭ narmalizacyi rasijska-tureckich adnosin.